كيفية التواصل مع دعم باي بال و الاتصال مجانا و باللغه العربية

مرحبا بكم فى موقع وسيطنا مع شرح جديد فى سلسلة البنك الالكتروني باى بال

و صلت العديد من الرسائل على الصفحة وكذلك التعليقات على فيديوهات القناة نريد طريقة للتواصل مع دعم باي بال ، ان شاء الله سوف نشرح كل طرق التواصل مع

دعم باي بال سواء من خلال البريد الالكتروني أو الاتصال هاتفيا وبشكل مجانى تماما

تابع الشرح حتى النهايه …

الطريقة الاول :-  التواصل مع دعم باي بال إلكترونياً

حضرتك من خلال الطريقة دى بتحدد بالضبط اللى انت عاوزة من الدعم فى باى بال من خلال تحديد القسم او المشكله بالضبط زى ما هنشوف مع بعض مثال من خلال الصور.

نضغط على شكل الجرس اعلى اليسار ثم الضغط على الرسائل وبعدها الضغط على عرض الرسائل

تفتح لنا هذة النافذة نضغط على الاتصال بنا على اليسار

تظهر صفحة اتصل بخدمة العملاء يمكن الوصول لهذة الصفحة مباشر من خلال الرابط التالى اتصل بنا
نضغط على مراسلتنا إلكترونياً

من خلال الصفحة دى بنحدد الموضوع اللى هنسال الدعم فيه او المشكله اللى عاوزين حل لها.
مثال عاوزين نسال الدعم عن مبلغ معاملة معلقة استلام مبلغ و المعاملة معلقة وعاوزين نعرف السبب؟؟

بنحدد الاول المشكله تبع اى قسم فى المثال اللى معنا إرسال / استلام الأموال

بعد كده نختار حالة الدفع

بعد ذلك بنحدد الاستفسار بالضبط هل المعاملة معلقة او محتجزة او قيد المراجعة

اخر جزء تبدا فى شرح المشكله اللى معاك او تكتب سؤالك بش مختصر للدعم باللغة العربية او الانجليزية عادى جدا ثم تضغط على إرسال رسالة فى خلال 24 ساعة يتم الرد عليك وتصلك رسالة على الايميل الخاص بك

الطريقة الثانية :- الاتصال هاتفيا على دعم باي بال 

فى الحقيقة بفضل الطريقة دى لانها اسرع وبتوفر معاك وقت انتظار الرد من الدعم هنا قدامك اختيارين … الاول الاتصال دولى وتدفع ثمن المكالمة او الاتصال بشكل مجانى زى ما قولت فى بداية المقالة، خلينا نبدا بالمدفوع لانه اسهل

الاختيار الاول : الاتصال هاتفيا على دعم باي بال ” مدفوع “

بعد الدخول الى صفحة اتصل بنا من الرابط التالى ( اتصل بنا ) ولكن هذة المرة نختار اتصل بنا هاتفياً

يظهر لك مواعيد عمل باى بال و ارقام الدعم فى باى بال ، رقم الدعم فى باى بال باللغة العربية ( 35315364203+)

تكتب مفتاح الدولة اولا 353 ثم باقى الرقم وتتصل من هاتفك

هام جدا جدا يجب عليك شحن رصيد يكفى للمكالمة مثلا المصريين تشحن 100ج رصيد والاخوة غير المصريين تشحن بمتوسط ان مده المكالمة 30 دقيقة فى سعر الدقيقة دولى فى بلدك وتتابع الخطوات مع المكالمة حتى يتم الوصول للقسم الصحيح و حل المشكله او الرد على سؤالك من الدعم

فى بداية المكالمة هيطلب منك ادخل كود مكون من 6 ارقام ودا الكود الموضح باللون الاصفر علشان يتم تحديد حسابك بشكل صحيح فى باى بال وممكن الموظف يطلبه منك

الاختيار الثانى : الاتصال هاتفيا على دعم باي بال ” مجانى “

هذة الطريقة التى يبحث عنها الجميع …. الطريقة ببساطه هتقوم بتحميل برنامج للاتصال الدولى مجانا البرنامج متاح للهواتف اندرويد وكذلك ايفون.

رابط تحميل البرنامج ( هنـــــــــا ) الرابط بيحولك على المتجر على طول
بعد تحميل البرنامج بتعمل حساب من خلال رقم او الدخول باستخدام الفيس بوك او اكونت باستخدام ايميل الاسهل برقم الفون تابع الصور

الصور

تجميع نقاط مجانا

بعد عمل حساب على البرنامج تحصل على 15 نقطه هدية مجانا وكل نقطه تعادل دقيقة فى الاتصال تقريبا يوجد عده طرق للحصول على نقاط اكثر مجانا.
تشاهد فيديو مثلا او تعمل بوست على الفيس بوك تكسب يوميا 4 نقاط يعنى 5 ايام تكسب 20 وانت معاك 15 كده تكلم باى بال عادى جدا.

اقصى مكالمة كانت مع باى بال معايا شخصيا كانت 34 دقيقة من البرنامج دا ، لذلك مش محتاج تجمع كتير.
بالاضافة طبعا انك ممكن تكلم دعم بايوينر و بايسيرا  و اى شركة أو بنك برة مصر من نفس البرنامج بدون ما تدفع اى شيئ، ويمكن ايضا الاتصال من البرنامج على صديق او اقاربك فقط يكون البرنامج على هاتفك وكذلك الطرف الاخر وتتواصل دون الحاجه الى نقاط او حتى شراء رصيد.