كيفية تشغيل خاصية السحب التلقائى فى باي بال وما الفائدة منها

كيفية تشغيل خاصية السحب التلقائى فى باي بال وما الفائدة منها

مرحبا بكم فى موقع وسيطنا شرح جديد عن خاصية السحب التلقائى فى باي بال. وتقديم حل لكل مستخدمى ديكسى باى اللى تم سحب اموالهم على الفيزا رغم انها متوقفه ، انا مجرب الحل دا من قبل فى ديكسى باى … تابع المقالة لفهم كل الامور  >>> شرحنا سابقا

كيفية تفعيل باي بال بشكل كامل تقدر تشوف المواضيع السابقة عن تفعيل باي بال

1 – فيزا البريد المصرى فيزا ايزي باى

2 – فيزا 4U من البنك العربى الافريقى

3 – فيزا بنك مصر

وكمان شرحنا 7 طرق للسحب من باي بال و شرح لكل طريقة بالتفاصيل ( 7 طرق للسحب من باي بال )

ما هى خاصية السحب التلقائى فى باي بال ؟

دى خاصية موجود فى حسابات باي بال  بحبث يقوم باي بال بارسال الرصيد الموجود على حسابك الى الفيزا بداية كل شهر طبعا دا بيكون بشكل مجانى يعنى بدون 5 دولار رسوم السحب المعروفة.

طيب ازاى افعل خاصية السحب التلقائى فى باي بال على حسابى

هشرح جزء تفعيل الخاصية فى النهاية الاول نكلم عن مزايا وعيوب الخاصية دى وهل فعلا هى كويسة ولا لا ؟

فى الحقيقة بالنسبة ليا 70% مش كويسة 30 % كويسة طيب ليه نعرف مع بعض!

الاول كان حضرتك بتسحب بشكل يدوى وبعدين تكلم باي بال يرجعوا 5 دولار رسوم السحب ودا كان للمرة واحده كل شهر ولكن الان باي بال هو اللى هيبعت الفلوس بنفسه، طيب فين المشكله فى كده ما يبعت عادى.

هل يمكن إيقاف خاصية السحب التلقائى فى باي بال ؟

نعم يمكن إيقاف السحب التلقائى ولكن انتظر قليل !!
فى حالة طلبك من الدعم إيقاف السحب التلقائى يتوقف حسابك عن استقبال الاموال وبالتالى ليس للحساب اى فائدن الان الا الدفع او الشراء اون لاين.

لذلك من الصعب ايقاف هذة الخاصية على حسابك ، اذا الافضل لك هو تحديد وسيلة السحب المناسب لك وتفعيل خاصية السحب التلقائى عليها كما بالفيديو اخر المقالة

ويمكن الاختيار اى طريقة مناسبة للسحب من بين 7 طرق للسحب من باي بال

مزايا و عيوب خاصية السحب التلقائى فى باي بال ؟

خاصية السحب التلقائى فى باي بال

 

اولا :-  الاول انت كنت بتحدد عاوز تسحب كام مثلا معاك 500 دولار وانت محتاج تسحب بس 100 دولار وتسيب الباقى على الحساب وقت الحاجه لهم دلوقتى باي بال هيبعت 500 دولار كله مرة واحده كنت بتحدد بردوا الفيزا اللى عاوز تسحب عليها لو معاك كذا وسيلة للسحب هنا الامر مختلف فلوسك كله بقت تتسحب على مصدر واحد بس.

ثانيا :-  ممكن باي بال يبعت الفلوس على فيزا يكون لها حد اقصى وبالتالى لو المبلغ اكبر من الحد الاقصى يبقى البنك هيرد المبلغ تانى الى باي بال.

طيب ايه الحل فى الموضوع دا ؟؟

انك تفعل خاصية السحب التلقائى فى باي بال على الفيزا اللى عاوز الفلوس تروح لها دا اول حاجه ولازم تكون عارف الفيزا لها حد اقصى ولا لا علشان تتجنب رد المبلغ.

ثالثا :- الفلوس كانت بتفضل على حسابك لغاية ما انت تحتاج تسحب الفكرة ان فلوسك كانت دولار يعنى عمرك ما تخسر من القيمه حاجه لو حصل اى تغير فى سعر العملة، لكن الوقتى فلوسك هتتسحب جنية مصرى يعنى اى تغير مش هيكون فى مصلحتك انت يعنى المستفيد الاكبر هنا البنك المركزى.

البنك المركزى هو اللى بطلب من باي بال تشغيل او ايقاف صلاحيات الحسابات المصرية.

مثال :-  معاك مثلا 1000 دولار على حسابك فى باي بال اول الشهر الفلوس اتسحب على الفيزا ووصلت عندك بعد يومين حصل ارتفاع فى سعر العملة، على سبيل المثال نص جنية يبقى كده انت خسرت 500 جنية لان فلوسك لو على حسابك كنت هتسحب وقت ما تحب وبالتالى تتجنب اى خسارة من تغير السعر فى اى لحظه.

تشغيل خاصية السحب التلقائى فى باي بال

رابعا :- بدون خاصية السحب التلقائى كنت بتسحب اى وقت اول الشهر نص الشهر اخر الشهر اى وقت يعجبك، يعنى كل واحد كان بسحب فى وقت مختلف عن التانى وكذلك يوم مختلف الوقتى اصبح كل الحسابات بتسحب فى نفس اليوم معنى كده الفلوس هتوصل للبنوك مرة واحده و دا هيعمل ضغط كبيرة عليهم من حيث المراجعه على كل الحسابات والتاكد من المعاملات دى.

وهنا ممكن البنوك تبدا ترفض المعاملات اللى جاية من باي بال بسبب الضغط اللى هيحصل عليهم كل شهر ودا حصل قبل كده كتير زى بنك QNB و فيزا البريد السابقة

على الرغم ان البنوك بتستفيد الا ان الموضوع هيمشى حسب المزاج عندهم و لذلك يفضل يكون معاك اكتر من وسيلة سحب من باي بال لو وسيلة وقفت التانية تشتغل على طول.

 

خامساً :- سحب الاموال على فيزا متوقفه زى ما حصل مع فيزا ديكسى باى ، ناس كتير جدا حصل معهم الامر دا تم تحويل كل رصيد باي بال على الفيزا لانها مفعل عليها السحب التلقائى و اصحبت الفلوس على الفيزا لا عارف تسحبهم ولا تشترى بهم من الانترنت.

المشكلة دى نوعين من الناس النوع الاول : البعض الفلوس نزلت على حساب ديكسى نفسه مش حساب الفيزا وهنا الحل بسيط جدا مجرد ربط حساب بنكى على حسابك و تسحب الفلوس.

النوع الثانى : باقى الناس الفلوس وصلت على حساب الفيزا او على الفيزا نفسها ، هنا الحل انك تتواصل مع الدعم فى ديكسى وتطلب نقل الاموال دى على رصيد حسابك نفسه مش الفيزا وتعمل نفس الخطوة اللى فى الطريقة الاولى.

مش هينفع تحول الفلوس من فيزا للتانيه لان نفس المشكله كل الكروت متوقفه.

انا عملت الموضوع دا بنفسى على فكرة و تم فعلا نقل الفلوس من الفيزا للحساب نفسة،

لو الدعم مش بيرد او اخد وقت كبير سيب تعليق اسفل المقاله وانا هبعت لكم ايميل خاص بالادارة فى ديكسى بتم الرد عليه بسرعه.

ان شاء الله احاول اشوف حلول تانيه للموضوع دا علشان الناس تقدر تسحب فلوسها.

كيفية تشغيل خاصية السحب التلقائى فى باي بال

اذا استفدت … لا تبخل علينا بمشاركة المقالة مع اصدقائك حتى يستفيد الجميع

10 أفكار عن “كيفية تشغيل خاصية السحب التلقائى فى باي بال وما الفائدة منها”

  1. لو سمحت عشان مش واضحة الفكرة ليا
    انا عملت حساب بايبال و قمت بربطه ببطاقة ايزي باي و السحب التلقائي مفعل.
    هل السحب التلقائي لايزي باي شغال؟
    و ايضا هل يمكن ان يتعرض حسابي في بايبال لمشاكل اثبات هوية لو اضفت الحساب البنكي بايونير؟

    1. السحب التلقائى شغال عادى جدا الفلوس هتتسحب لوحدها اول الشهر على الفيزا اللى محدد عليه السحب التلقائى
      بخصوص بايونير ممكن تربط عادى جدا بشرط يكون نوع الحساب الامريكى هو البنك الفيدرالى مش الانواع الاخرى لانها بتترفض ومفيش اثبات هوية ولا حاجه

  2. السلام عليكم دلوقتي انا عندي مشكلة في فيزا ايزي باي كل ما احاول اسحب عليها بيظهرلي مسج “عذرا يتعذر علينا معالجة طلبك يرجي اعادة المحاولة مرة اخري” دلوقتي انا عايز رقم للتواصل مع الباي بال يكون خدمة عملاء عربي ياريت لو الرقم السكايب او لو تعرف حل للمشكلة دي

  3. لو سمحت انا عندي فيزا ايزي بأي مرتبطه بالباقي بالباي بال ولم يحدث السحب التلقائي واليوم 3 في الشهر هل السحب التلقائي شغال بمصر؟

  4. السلام عليكم انا رباط باى بال بموقع برينتفول والمفروض ان فى اوردر وعلشان الاوردر يتنفذ بيسحب من باى بال تمنه اوتوماتيكيا
    المشكله بقى انه مش قابل السحب وباى بال رافضه

  5. هل ممكن اسيب الفلوس في حساب الباي باب بدون فيزا أو غيره و اشتري اون لاين مباشرة من الباي بال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Scroll to Top