مرحبا بكم فى موقع وسيطنا ان شاء الله المقالة دى هتكون دليل شامل عن بنك باي بال ، شرح 3 طرق للتفعيل و 7 طرق للسحب بالاضافة إلى الرد على كل الاسئلة الشائعة عن بنك باي بال فى نهاية المقالة لو سؤالك مش موجود كومنت وهرد عليك على طول.
ما هو باي بال PayPal ؟
على الرغم من ان الباي بال موقع خدمى يقدم خدمات مالية الا ان الكثير يطلق عليه مجازاً بنك باي بال ، و ذلك بسبب تشبة خدمات باي بال مع خدمات البنك التقليدى من ارسال الاموال واستقبالها والسحب كل هذا بالاضافة الى خدمات اخرى يقدمها بنك باي بال.
ما هى فائدة بنك باي بال ولماذا احتاج انشاء حساب باي بال جديد ؟
يوجد الكثير من الاسباب تجعلك تفتح حساب باي بال جديد، على سبيل المثال
اولاً : اذا كنت من محبى التسوق أون لاين ليس هناك افضل من بنك باي بال للدفع و ذلك لان باي بال يوفر لك الحق فى استرجاع الاموال خلال 180 يوم من تاريخ الدفع ” سوف نشرح ذلك فى النهاية ” تابع المقالة
ثانياً : ان كنت تريد العمل على الانترنت وتحقيق ارباح يالتاكيد سوف تحتاج إلى وسيلة لتحصيل أموالك و أفضل البنوك الالكترونية فى السحب من مواقع العمل الحر و الشركات هو بنك بايبال مثال السحب من Fiverr – Upwork – خمسات وغيرهم الكثير.
خصائص باي بال ؟
يجب ان تعلم عزيزي القارئ ان خصائص باي بال ليست واحدة فى كل الدول ، بعض الدول متاح لها الدفع فقط والبعض الاخر متاح لهم الدفع و الاستلام و السحب.
ان كنت مصرى و تعيش فى ام الدنيا مصر احب اقولك متاح لك الدفع واستقبال الاموال و كذلك السحب من باي بال و يمكن معرفة خصائص كل دولة من خلال الرابط التالى ( خصائص باي بال ).
دلوقتى عرفنا ايه هو باي بال ويستخدم فى ايه ! نعمل حساب ازاى بقى ؟
اولاً : كيفية انشاء حساب باي بال جديد ؟
علشان تفتح حساب جديد فى بايبال محتاج ايميل فقط و تدخل على المقالة و تتابع الخطوات فقط
طيب يا كبير احنا معنا الحسابات فعلا بس عاوزين نعرف ازاى نعمل تفعيل الباي بال حلو جدا نروح على التفعيل.
ثانيا : تفعيل باي بال واستقبال الاموال ؟
حضرتك محتاج التفعيل علشان تشترى أون لاين أو تستقبل فلوس على حسابك .
1 – الشراء اون لاين باستخدام بنك باي بال
علشان تفعل حسابك شراء كل اللى عليك اضافة كارت للحساب سواء فيزا او ماستر كارد وتدفع من الكارت دا
ازاى اعمل ايداع فى حسابى ؟
مفيش حاجة اسمها تعمل ايداع فى باي بال يعنى ان حضرتك تاخد الفلوس من الكارت وتضيف الفلوس دى على حسابك فى باي بال وبعدين تشترى منها ، مفيش الكلام دا
طيب بشترى ازاى بقى ؟
حضرتك بتروح لاى موقع بتشترى منه وتختار الدفع باستخدام باي بال وعند الدفع بيطلب منك باي بال تحديد الكارت اللى هتدفع منه بيتم الخصم من البنك مباشرا للموقع بس كده.
2 – تفعيل حساب باي بال لاستقبال الاموال ؟
موضوع التفعيل فى كلمة واحدة اضافة فيزا على الحساب ، بقولك ياريس انا عندى حساب وعليه ماستر كارد بس مش بستقبل فلوس الاجابة : اضافة فيزا للحساب.
بقولك يا كبير حسابى جديد ومش عارف استلم فلوس من الناس الاجابة اضافة فيزا للحساب .
بقولك يا باشا ربط بايوينر على حسابى ومش بيستقبل فلوس الاجابة اضافة فيزا للحساب بقولك يا قائد و بقولك يا هانى وتستمر سلسلة بقولك والاجابة عليهم جميعا اضافة فيزا للحساب .
طيب عرفنا ان الحل اضافة فيزا تجى منين بقى الفيزا دى واسمها ايه .
أفضل 3 طرق لـ تفعيل باي بال فى مصر
اولاً : فيزا 4U من البنك العربى الافريقى
بكام الفيزا وطريقة الربط وكل التفاصيل من الرابط التالى ( فيزا 4U )
ثانيا : فيزا انترنت بنك مصر
معلومات عن الفيزا سعر الفيزا 50 ج من اى فرع بنك مصر بصورة البطاقة فقط
الحد الادنى ايداع لايوجد
الحد الاقصى للفيزا 15 الف
الحد الاقصى للدفع والشراء 15 الف
صلاحية الفيزا سنتين
الايداع لابد من خلال الفرع كيفية الربط مع باي بال من هنا ( فيزا بنك مصر )
ثالثا : فيزا البريد المصرى ايزي باي Easy Pay
دى مقالة الشرح وكيفية الربط ( فيزا ايزي باي Easy Pay )
كده خلص موضوع التفعيل ندخل على المشكله الاكبر عند ناس كتير السحب من باي بال
ثالثا : كيفية السحب من باي بال ؟
فى الفيديو دا شرح 7 طرق للسحب من باي بال دى كل الطرق المتاحة فى مصر حتى الان
دى المقالة اللى فيه شرح كل طريقة بشكل مفصل ( السحب من باي بال في مصر )
فى راى الشخصى أفضل طريقة سحب من باي بال للناس اللى هتستخدم الفلوس تانى فى الدفع أون لاين فيزا بايسيرا
لو عاوز تفاصيل اكتر عن الفيزا سعرها كام والمصاريف ( طلب فيزا بايسيرا ) ، ( رسوم بنك بايسيرا )
الاسئلة الشائعة عن بنك باي بال
س : فتح حساب جديد فى باي بال بكام ؟
الاجابة : انشاء حساب باي بال مجانى لا تدفع اى رسوم.
س : احتاج تفعيل الحساب للشراء فقط ؟
الاجابة : الشرح فى الاعلى جزء التفعيل.
س : احتاج تفعيل الحساب لاستقبال الاموال ؟
الاجابة : الشرح فى الاعلى جزء التفعيل.
س : احتاج طريقة للسحب من باي بال ؟
الاجابة : الفيديو بالاعلى ودا رباط المقال شرح مفصل لكل طريقة ( أفضل طرق السحب من باي بال )
س : هل يمكن استخدام رصيد حسابى فى الشراء ؟
الاجابة : للاسف لا يمكن ذلك هذة الخاصية غير متاحة الان فى مصر الشراء أو الدفع من خلال اى كارت موجود على الحساب
س : ما هى رسوم باي بال عند ارسال و استقبال و سحب الاموال ؟
الاجابة : ارسال الاموال فى باي بال : مجانى
استقبال الاموال فى باي بال : 3.9% + 30 سنت وتقل هذة الرسوم مع زيادة المبلغ
سحب سحب الاموال من باي بال : 5 دولار عند السحب على فيزا
و عند السحب على حساب بنكى امريكى : مجانا مثال على ذلك الحساب البنكى فى بايونير
س : كيف اضيف عملة اخرى فى حسابى وكيفية التحويل بين العملات ؟
يمكن ذلك من خلال متابعة الفيديو
س : ما هى افضل البنوك المصرية التى تتعامل مع باى بال paypal ؟
الاجابة : يجب تقسيم البنوك إلى ثلاث انواع
الدفع فى باي بال : اى بنك تضاف البطاقة الخاصة به إلى باي بال
تفعيل الحساب : بنك مصر أو البنك العربى الافريقى أو البريد المصرى
السحب من باي بال : بنك QNB أو بنك اسكندرية
س : هل يمكن استخدام الحساب فى باي بال بدون اضافة فيزا ؟
الاجابة : للاسف لا يمكن ذلك مع الحساب المصرى لابد من تفعيل الحساب اولا ثم استخدامه
يمكن استخدام الحساب الامريكى بدون اضافة فيزا ولكن سيكون الحساب معرض للغلق فى اى لحظة
س : هل يمكن استخدام بطاقة ( Debit ) فى سحب الاموال من باي بال ؟
الاجابة : نعم يمكن ذلك من خلال بنك QNB فيزا حساب التوفير
لو فى اى سؤال عندك مش موجود كومنت على المقالة وهرد عليك ونضيف السؤال فى المقالة
لاتنسى مشاركة المقالة مع اصدقائك لنشر المعلومة واستفدت الجميع
” شكرا لك “
شكرا هناك ملاحظة بسيطة هل يمكن فتح حساب امريكي وكيف المحافظة علية؟.
مرحبا
يمكن فتح حساب ولكن عندى اى مراجعة سوف يطلب باي بال اثبات هوية او يغلق الحساب
الطريقة الوحيدة لفتح حساب امريكى توافر بيانات امريكية مع هوية لشخص امريكى
غير ذلك صعب المحافظه على الحساب
انا هاروح اعمل فيزا ايزي باي بتاعه البريد المصري
كدا اقدر ادفع فلوس لموقع زي go daddy واستقبل فلوس من السيرفرات ولا يبقا ناقصني حاجه بعد اتباع الحطواط طبعا ؟؟؟؟
كده تقدر تدفع عادى لكن تستلم من باي بال مش من مواقع يعنى تسحب من الموقع الى باي بال ومن باي بال على فيزا ايزي باي
حدث معي مشكله انه عند تفعيل الفيزا الايزي باي علي الباي بال و الفيزا جديده جاءت لي رساله تقول هذه البطاقه غير مقبوله مع العلم اني اتممت الشروط كما في الفيديو الذي اعلنتموه علي علي الصفحه و ما العمل ارجو الرد سريعا و شكرا
الكارت غير مشحون رصيد يبقى شح الكارت اولا ثم ربط الكارت
من فضلك كيف يمكن استخدام بطاقة DEBIT QNB حساب التوفير للسحب من PAYPAL اذا كان التفعيل عن طريق فيزا بنك مصر او العربي الافريقي او البريد المصري؟ متى وكيف يتم ربط بطاقة BEBIT QNB مع PAYPAL لنتمكن من السحب باستخدامها؟ شكرا.
بنك QNB وقف تعاملات باى بال بيعمل الامر دا كل فترة حاليا غير متوفر طرق للسحب الا الموجوده فى مقالة 6 طرق للسحب من باى بال
https://www.wasetna.com/6-طرق-لـ-السحب-من-باى-بال-فى-مصر-الخلاصة/
نشكركم على هذا الشرح المفيد جدا
لي سؤالان:
السؤال الأول: قرأت في بعض الشروح عن خيارين لتحويل الأموال عبر باي بال
“الدفع مقابل السلع والخدمات” أو “إرسال أموال إلى الأصدقاء أو العائلة”
ولكني لم أجد في حسابي إلا الخيار الأول
فهل تم إلغاء خيار “إرسال الأموال إلى الأصدقاء أو العائلة”
السؤال الثاني: كم ستكون العمولة لاستقبال الأموال على الحساب المصري الشخصي؟
وهل هناك فرق في العمولة إذا تم الإرسال عبر أحد الخيارين السابقين؟
ولكم جزيل الشكر
العفو يا اخى
السؤال الاول بالفعل يوجد اكثر من طريقة تختلف من دولة لاخرى
مثلا هذة الخيارات فى الحساب الامريكى وليست فى المصرى
الدفع من رصيد الحساب خاصية اخرى فى الحساب الامركيى الكندى وغيرهم وليست فى الحساب المصرى
السؤال الثانى
رسوم باى بال للحساب المصرى على الاستقبال 3.9% + 0.30$
بالنسبة لبنك CIB بينطبق عليه الكلام ده
كلام ايه بالضبط علشان اقدر ارد صح
بعد ازنك في لعبه اشتركت فيها وكسبت قالي الفلوس ستحصل عليها من باي بل الوقت قد ايه هيا اتحولت بتنزل في حسابي في قد ايه
اللعبة بتكون محدده وقت للدفع ممكن فورا ممكن شهر حسب نظامهم
لو سمحت ممكن تقولنا نعمل ايه بالظبط من غير اختيارات يعنى التفاصيل كلها بافضل حاجه انت شايفها عشان كده الواحد تاه
وهل الديبت كارد للبنك العربى الافريقى تنفع فى التفعيل والسحب وكله ولا لأ
لا
https://www.wasetna.com/6-%D8%B7%D8%B1%D9%82-%D9%84%D9%80-%D8%A7%D9%84%D8%B3%D8%AD%D8%A8-%D9%85%D9%86-%D8%A8%D8%A7%D9%89-%D8%A8%D8%A7%D9%84-%D9%81%D9%89-%D9%85%D8%B5%D8%B1-%D8%A7%D9%84%D8%AE%D9%84%D8%A7%D8%B5%D8%A9/