فيزا البريد المصرى ايزي باي Easy Pay و تفعيل باى بال والسحب منه

فيزا البريد المصرى ايزي باي

يبحث الكثير عن أفضل طريقة لـ تفعيل باى بال وقد شرحنا من قبل تفعيل باى بال بفيزا 4U و اليوم مع شرح جديد فيزا البريد المصرى ايزي باي Easy Pay .

فى البداية نقدم لكم خدمة سحب الاموال من اى موقع او تطبيق من خلال شركة وسيطنا مع هذة الخدمة لا تحتاج لعمل حساب باى بال نهائى،
للتفاصيل وطرق الدفع للعملاء تواصل معنا من خلال صفحة الفيس بوك الرسمية ( صفحة شركة وسيطنا  ).

 

معلومات عن فيزا ايزي باي Easy Pay



مصاريف اصدار الفيزا ( أول مرة )

25 جنية

صلاحية الفيزا 5 سنوات من تاريخ الاصدار

5 سنوات

مصاريف التجديد للفيزا ( كل سنه )

15 جنية

الحد الادنى للايداع على الفيزا

100 جنية

الحد الاقصى للايداع على الفيزا

20 الف جنية

الحد الاقصى للشراء المحلى داخل مصر ” جنية “

10 الف يوميا

الحد الاقصى للشراء اون لاين ” دولار “

200 دولار

الحد الاقصى للسحب من ATM

4 الف جنية

كارت فيزا البريد المصرى ايزى باى Easy Pay

تنبية هام : 

يمكن لك الحصول على الفيزا من سن 16 سنه أو اكبر من ذلك كل المطلوب منك صورة البطاقة الشخصية فقط + رسوم اصدار الفيزا + 100 ج الحد الادنى للايداع على الفيزا

الفيزا تستخدم على ماكينات ATM الخاصة بالبريد المصرى ( ماكينة ايزي باي ) أو من اى ATM تحمل شعار 123

تفعيل فيزا ايزى باى Easy Pay ؟

بعد الحصول على الفيزا تقوم بالاتصال على خدمة العملاء البريد المصرى على الرقم 16789 وتعطى الموظف 16 رقم الخاص بالفيزا وكافة المعلومات والبيانات المطلوبة وبعد 15 دقيقة تكون الفيزا جاهزة للاستخدام

هام جدا جدا جدا 



لازم تكون عملت ايداع على الفيزا بقيمة 100 جنية علشان عملية الربط مع باي بال ميحصلش مشكله

كيفية تفعيل باي بال بفيزا البريد المصرى ايزى باى Easy Pay ؟

الشرح من خلال فيديو

الشرح بالصور
هااااااااااااااااااام جداااااااااااااااااا
لابد ان تكون الفيزا بها على الاقل 2 دولار من اجل التاكيد

ندخل على حساب باى بال و نضغط على أضِف حساباً بنكياً أو بطاقة

اضافة فيزا البريد المصرى ايزي باي على حسابك فى باى بال

نضغط على ربط بطاقة جديدة كما بالصورة

ربط فيزا البريد المصرى ايزي باي على باى بال مباشرا

نحدد نوع الكارت ان كان فيزا أو ماستر ثم نكتب بيانات الكارت 16 رقم ثم تاريخ الانتهاء ثم الرقم السرى (CVV) ونختار العنوان ونضغط على حفظ

فيزا البريد المصرى ايزي باي Easy Pay

تم اضافة الفيزا للحساب كده نرجع بقى ونضغط على الفيزا للتاكيد

فيزا البريد المصرى ايزي باي Easy Pay

تظهر الصفحة التالية لتوضيح لك كيفية على عمل التاكيد للفيزا اضغط على موافق ( OK )

فيزا البريد المصرى ايزي باي Easy Pay

يخبرك باى بال انه قد خصم مبلغ من الفيزا ويطلب منك كود المعاملة و يكون مكون من 4 ارقام ، تتصل على خدمة العملاء وتطلب منهم كود اخر معاملة تمت لصالح باى بال وتكتب الرقم زى ما موضح فى الصورة وتعمل تاكيد الفيزا ( Confirm Card )




فيزا البريد المصرى ايزي باي Easy Pay

مبرووووووووووووك تم تفعيل حساب باى بال بنجاح

تاكيد ربط فيزا البريد المصرى ايزي باي Easy Pay على باى بال

بعد تفعيل حسابك على باى بال انت بحاجة السحب من باى بال يمكنك الاطلاع على هذة المقالة

6 طرق للسحب من باى بال )

تعديل 14/3/2018


فيزا البريد المصرى ايزي باي Easy Pay تقبل السحب من باى بال

مده السحب من 3 أيام إلى 5 أيام عمل

رسوم السحب من باي بال 5 دولار

السحب التلقائى لا يوجد رسوم تكون مجانا

الحد الاقصى للتحويل فى المرة الواحده 5 الف جنية مصرى

الحد الاقصى طول الشهر 20 الف جنية مصرى

تحديث 13 / 8 / 2018
الفيزا تعمل مجددا بعد فترة توقف بسبب عطل فنى 

تم فرض حد اقصى للسحب من باى بال على فيزا ايزى باى
و هو 500 دولار لكل 15 يوم اى انك يحق لك السحب مرتين فى الشهر
وكل مرة تسحب مبلغ 500 دولار فقط

تحديث 1 / 1 / 2019
تم فرض رسوم على الفيزا 3% +10 ج  من المبلغ عند السحب عليها
بالاضافة الى 1% عند السحب من اى ATM
و بأثر رجعي كمان على كل العمليات اللي فاتت
يعنى هيتم خصم النسبة دى من اول ما عملت الفيزا مش من اليوم

تحديث 4 / 3 / 2019

بعد الغاء العديد من المستخدمين الى الفيزا ايزى باى بسبب القرار السابق وهو فرض رسوم 3% +10 ج على كل عملية سحب قرر البريد مجددا الغاء الاثر الرجعى لتطبيق الرسوم وكذلك تخفيض النسبه الى 2% +20ج

تحديث 25/6/2020

تفعيل الفيزا اصبح الان من مكتب البريد و ليس من خدمة العملاء

هاااااااااااام جدا 
كروت الفيزا الجديدة التى صدرت من شهر 3 / 2020 وحتى الان لا تصالح  للسحب من باى بال لذلك لا بد من التاكد ان الفيزا التى سوف تحصل عليها اصدرت قبل شهر 3 

يشتكي العديد من مستخدمى فيزا البريد المصرى ايزي باي من كثر المشاكل فى الفيزا موخرا مع تكرر توقف سيستم الفيزا لاعمال صيانه وذلك يؤدى الى مشاكل فى السحب من باى بال، وقد توقفت الفيزا على بعض حسابات باى بال بسبب المشاكل المتكررة

تطبيق ايزي باي البريد المصري
تم اصدار التطبيق الرسمى للبريد للحصول عليه توجه لاقرب مكتب بريد واطلب منهم كود التفعيل سوف تصلك رسالة على رقمك بها كود التفعيل 

قال مسئول البريد المصرى ان فيزا ايزي باى لها تطبيق للتحكم فى المعاملات والدفع من خلاله ومتابعه كل المدفوعات ولكن حتى الان التطبيق قيد التطور و لما يتم رفع اى نسخه منه حتى الان على المتجر ، بمجرد توفر نسخه منه سوف يتم الاعلان عنها فى الموقع هنا وعلى صفحة الفيس بوك …
يمكنك الان الحصول على تطبيق فيزا ايزى باى الخاصة بالبريد المصرى ( رابط التحميل )

كيفية تفعيل تطبيق ايزى باى ( كود تفعيل ايزى باى )

بعد تحميل التطبيق من المتجر تتواجه لاقرب فرع للبريد وتطلب منهم كود تفعيل التطبيق لابد ان يكو الكارت متوفر معاك والرقم القومى يقوم الموظف بعمل تنشيط لكى يصلك كود التفعيل على رقم الهاتف الخاص بك والمسجل اثناء طلب الفيزا .

شكل التطبيق من الداخل
تطبيق فيزا البريد المصرى ايزي باي Easy Pay ايزي باي

✦ مميزات فيزا البريد المصرى ايزى باى

✤ السحب من باى بال

✤ وجود تطبيق خاص بفيزا ايزى باى

✤ السحب من اى ATM ما عدا HSBC

✤ طلب الفيزا من سن 16 سنه فقط

✦ عيوب فيزا ايزى باى من البريد المصرى 

✤ الحد الادنى لشحن الفيزا 100 ج

✤ لابد من شحن الفيزا من مكاتب البريد

✤ السحب من باى بال 500 دولار فقط كل 15 يوم .

✤ السحب من ATM على عدة مرات لو مبلغ كبير.

✤ حد الشراء بالدولار قليل جدا وسعر عالى للدولار.
✤ عدم وجود خدمة عملاء للرد على الاسئلة او حل المشاكل
✤ توقف سيستم الفيزا بشكل متكرر مما يؤدى لحدوث مشاكل فى التحويلات.

✤ عدم توفر الفيزا فى الكثير من مكاتب البريد.

✤ صعوبة عمل ايداع على الفيزا لان الايداع من البريد فقط .

الخلاصة : – نحن لا ننصح بفيزا البريد المصرى حاليا بسبب المشاكل الاخيرة  والتى كانت سبب فى تعلق اموال الكثرين على حسابات باى بال…….. شوف تقيمات مستخدمى الفيزا الموجودة على جوجل بلاى

 

اذا كان لديك أى استفسار أو ملاحظة يمكنك ترك تعليق أسفل الموضوع

لاتنسى مشاركة المقالة مع اصدقائك لنشر المعلومة واستفدت الجميع

” شكرا لك “

344 فكرة عن “فيزا البريد المصرى ايزي باي Easy Pay و تفعيل باى بال والسحب منه”

  1. Pingback: 6 طرق للسحب من باى بال فى مصر الخلاصة - وسيطنا

  2. Pingback: 6 طرق لـ السحب من باى بال فى مصر الخلاصة - وسيطنا

  3. Pingback: الدليل الشامل لـ بنك باي بال تفعيل الباي بال و 7 طرق للسحب منه - وسيطنا

  4. Pingback: كيفية تفعيل الباي بال فيزا انترنت بنك مصر - البطاقات المدفوعة مقدما - وسيطنا

  5. Pingback: فيزا المصرف المتحد سلسلة البطاقات المدفوعة مقدما فى البنوك المصرية - وسيطنا

  6. Pingback: فيزا ايزي كارد سلسلة البطاقات المدفوعة مقدما فى البنوك المصرية - وسيطنا

    1. اولا 5 دولار تخصم فى باي بال رسوم السحب
      وتستلم على الفيزا 95 دولار بسعر الدولار فى البنك بس كده

      1. لو سمحت يعني لو عايز استلم ٥ دولار هو كده حيخصم ٥ دولار وميدنيش حاجة؟؟؟

  7. هل مازالت تعمل لسحب الأرباح من باي بال وياريت ممكن افهم يعني ايه موضوع الحد الي هو 5000 بتاع التحويل المقصود ايه
    تحياتي وتقديري لك…

    1. نعم مازالت تعمل
      الحد الاقصى للايداع فى اليوم 5000 ج يعنى اى فلوس تدخل الكارت اقصى حاجه يكون 5 الف
      لو دولار مثلا يبقى تسحب اقصى حاجه 280 دولار دا حسب شروط البريد نفسه
      فى ناس جربت اعلى من كده وقالت شغاله ولكن كده انت بتكون مخالف لشروط البريد

  8. السلام عليكم
    انا لسا عاملة كارت ال easypay عشان اربطة بال paypal وفعلت كارت ال easypay عن طريق خدمة العملاء لكن لما جيت اربطة بالباي بال مرضيش خالص مع اني مشيت على نفس الخطوات اللي انت مشيت عليها وال checkbox اللي عملت عليها صح عند الربط مبتظهرش عندي …ممكن تكون المشكلة في ايه؟

  9. Pingback: كيفية تشغيل خاصية السحب التلقائى فى باي بال وما الفائدة منها - وسيطنا

  10. انا لسه ماعملتش الفيزا بس من التعليقات خايفه اعملها وماترضاش برضو تتربط بال باي بال

    1. كلام التفعيل والسحب بها
      لو سالت 100 موظف فى البريد هل تقبل السحب من باي بال 99 هيقول لا 1 مش هيعرف يعنى ايه باي بال اصلا
      التجربة خير دليل

  11. انا عايز اعرف ي ريت حضرتك هل يمكن افعل pay pal وكمان اسحب منها في الوقت الحالي ولا افعل بس …وكمان لو طرق السحب انا معمولي debit card بيتحولي عليه المرتب والكارت MasterCard هل ينفع اسحب بيه ولا لازم ااروح البنك واطلب كارت جديد باسم كريديت كارد او فيزا وبعد كده اربطه بيه عشان اسحب

    1. مرحبا
      موضوع التفعيل والسحب اصبح سهل جدا الايام دى
      التفعيل
      1- فيزا انترنت بنك مصر
      2- فيزا 4U من البنك العربى الافريقى
      3- فيزا البريد المصرى ايزي باى ( دى شغاله تفعيل وسحب حتى الان )

      ثانيا السحب من باي بال
      دى كل الطرق المتاحه فى مصر
      https://www.wasetna.com/6-طرق-لـ-السحب-من-باى-بال-فى-مصر-الخلاصة/

      اى كارت من نوع ماستر كارد يستخدم للدفع فقط فقط فقط

  12. يعني دي انا لو عملتها عشان اشتري حاجات من بره لازم احط الفلوس بيها بالدولار ولا بالجنية المصري عادي؟؟

  13. السلام عليكم انا اشتريت الفيزا وربطها بالباي بال لكن حاولت اسحب عليها ٢٠٠ دولار العمليه اترفضت بعد ٤ ايام !!

    1. نفس الكلام حصل معايا اشتريتها من شهرين وكانت بتسحب كويس جدا وفجآه معادتش بتقبل اي سحب

  14. نشأت على السيد

    مرحبا اخى الكريم
    اريد الحصول على هذه الفيزا فهى غير متوفرة لدى مكاتب البريد لدينا
    هل يمكن من أحد شراءها وارسالها لى بالبريد ويشحنها بمبلغ 100 جنيه
    وانا ارسل له حوالة بريدية بمبلغ 200 جنية بدلا من 125 مقابل تعبكم

  15. Pingback: باي بال في مصر تفعيل و سحب فى شكل سؤال وجواب - وسيطنا

  16. ايه المبلغ اللي باي بال بتسحبه من الفيزا عند الربط .. انت كاتب تخبرك باي بال انه تم سحب مبلغ من الفيزا بس موضحتش كام ؟؟

    1. غالبا بيكون 1.5 دولار مش مهم المبلغ كام المهم الكود نفسه بتع المعاملة دى المطلوب لكن المبلغ مش بفرق فى حاجه

  17. اسفسار معلش
    انا لما اعمل الفيزا من البريد واعملها دمج مع باي بال
    1 . حضرتك بتقول أنها توقفت من السحب يعني مش هينفع اسحب منها تاني بس ينفع احط فيها فلوس وابعتها لحد عن طريق باي بال صح ام لا ؟
    2 . وأنا بعمل الفيزا من البريد لازم اقول للموظف اني اعمل دمج مع الباي بال ولا مش لازم
    3 . أهم حاجه انا لو حطيت فيها فلوس بالمصري وعايز ابعت لحد فلوس بالدولار لازم احط فيها دولار ولا بياخد ما يوازي المبلغ الي انا هبعتوا شكرا

  18. بعد اذنك في كام سؤال كده معلش قبل ما اعمل الفيزا على الفاضي
    انا لما اعمل الفيزا من البريد
    1 لازم اقول للموظف اني افعلها على الباي بال ولا لما اتصل بخدمة العملاء
    2 حضرتك بتقول أن الفيزا دي بطلت تسحب يعني انا لو حطيت فلوس فيها وعملت دمج مع الباي بال مينفعش ابعت لحد فلوس عن طريق الباي بال ولا ينفع بس مينفعش اسحب
    3 انا لما اعمل الفيزا من البريد وعملت الدمج مع الباي بال وحبيت ابعت لحد فلوس بالدولار لازم أكون حاطت دولار فافيزا ايزي بي ولا بياخد ما يوازي من المبلغ دا بالمصري

    1. 1 – تقول للموظف عاوز فيزا ايزى باى فقط فقط فقط
      2- لو عملت ايداع عليها تدفع من خلالة او تسحب من باى بال عليها بحد اقصى 500 دولار كل 15 يوم
      3 – تبعت لحد على باى بال تانى دولار عادى ويخصم من الفيزا الدولار على 18.57 ج

  19. الفيزا لسة شغالة و بتسحب من الباي بال ؟!! ولو لسة تمام بتطلع خلال كام يوم ؟!!

  20. السلام عليكم
    هل الفيزا مازالت تعمل ؟؟
    هل يتم شراء الفيزا في يوم وشحنها في يوم اخر ؟؟ أم يمكن شراء الفيزاء وتنشيطها وشحنها في نفس اليوم ؟؟

  21. اولا شكرا على المعلومات و الرد
    ثانيا انا عملت الفيزا و حولت فلوس من يومين و الباي بال ظهرلي انه تم التحويل
    بس عايزا اعرف هي الفلوس بتظهر في الرصيد بعد اد ايه ؟!! لاني بكلم البريد قالولي انه لسة مظهرش اي تحويل !!!

      1. انا تابعت مع خدمة العملا و تم التحويل (٣ ايام فعلا) وهما قالولي الحوالات الخارجية بتاخد وقت زي محضرتك قلت كدة ٥-٧ ايام عمل ….
        شكرا لحضرتك جدا ^_^

  22. لو سمحت انا كان في حد من الوسطاء عملي حساب باي بال متفعل خليجي بس هو خد بياناتي المصريه ورقم بطاقتي تمام وسلمهولي وكله تمام هل ينفع اربط فيزا ايزي باي بيها ؟؟ وكمان انا لسه معملتش فيه اي معامله خالص ولا استلمت ولا سلمت حاجه كدا هيبقي كل حاجه تمام ولا ايه …..

    1. الحساب هيطلب اثبات هوية هترفع الهوية المصرى يتقفل او يتجمد لانك فاتح مثلا حساب سعودى وانت فى مصر

      1. أولا شكرا على المقال الحلوة ده
        ثانيا ممكن استفسار بخصوص السحب من الفيزا حضرتك بتقول أقصي حد السحب 500 دولار لكل 15 يوم طيب ممكن تقولي حضرتك طيب طريقه السحب لو معايا مبلغ اعلي من 500 مثل 3000 اسحبهم ازاي وانت حضرتك قولت أقصي حد السحب 500 بس لكل 15 يوم يعنى في الشهر 1000 وانا عايز اسحب 3000 هل ممكن اسحبهم في الشهر ولا مش هينفع

  23. شرح جميل ماشاء الله عليك
    بالنسبة لسعر الدولار بيكون كام لما اسحب من الفيزا

  24. حضرتك هو البطاقة بتطلع من اي فرع بريد ولا لازم الفرع الرئيسي بتاع المحافظة؟ وهل يمكن ربطها بskrill؟ وانت علي المستوي الشخصي هل تفضل سكيريل ام باي بال وانهي الاحسن فيهم بالنسبة لمصر؟

    1. اى مكتب بريد عادى مش لازم الرئيسى
      هل يمكن الربط او لا مش عارف حاجه عن سكريل استخدامى باى بال بايونير بايسيرا

  25. اولا شكرا جزيلا لكم على المجهود والشرح الرائع وتحياتى لكل العاملين فى وسيطنا
    ثانيا سعر الدولار كام عند السحب

    1. شكرا جزيلا لحضرتك
      الفيزا بتسحب بنفس سعر الدولار فى يوم السحب لو مثلا فى البنك 17.85 تسحب على نفس السعر دا

  26. ممكن توضيح او احالة. عايز افهم ايه فايدة ال باي بال ، وليه اربط بيه حساب في بنك او فيزا زي ايزي باي ، طالما انا ممكن اشتري مباشؤة بالفيزا ؟

    1. لو تقدر تشترى من الفيزا مباشر مش محتاج باى بال ولكن الدفع من باى بال افضل لكن تعرف ترجع الفلوس لو الموقع اللى دفعت له كان نصاب او غيره لكن الدفع من الفيزا الفلوس تروح عليك

  27. شكرا جزيلا وسيطنا على الموقع الرائع ماشاء الله فى تحديث دائما للمقالات باستمرار

  28. لو سمحت لما اجي اسحب من اي مكنه ATM بياخد رسوم ع الايداع وكام الرسوم وهل بتقبل علي اي مكنه ATM

  29. الفلوس اللي بسحبها لو هي دولارات هتجيلي دولار ولا هسحبها بالجنيهء؟
    والفيزا دي بتاعه البريد تبع انهى بنك؟ ولو حبيت اسحب مصري اروح لانهى atm?

    1. الفلوس بتوصل بنفس عملة الكارت اللى اتسحب عليه دولار جنية ريال حسب الكارت نفسه
      البريد ملوش علاقة ببنك البريد المصرى
      يمكن السحب من اى ATM عادى جدا

  30. كل لما اجي اربط الفيزا يقولي حدث خطأ ما .أو يرجي المحاوله ف وقت اخر .بقالي اسبوعيين في القصه دي .ده طبيعي ولا ايه المشكله

  31. لو سمحت يعني لو عملت البطاقة اقدر استلم أرباح موقع مثلا او قناة على الدايلي موشن عن طريق البا يبال من خلالها؟

  32. السحب الألى متوفر لمصر يعنى ممكن يسحب من غير عمولة على فيزا البريد أخر كل شهر ؟

  33. لو سمحت السحب عن طريق باي بال بس يعني لو موقع مبيدعمشي الباي بال بيدعم الفيزا والماستر كارد مقدرشي اسحب من عليه عن طريق فيزا ايزي باي ولا لازم اعمل حساب بنكي

  34. لو سمحت هو لسه التطبيق بتاع الفيزا منزلش؟ و انا حاولت اسحب اول الشهر ده بس اتعمل refund و لما كلمت paypal قالولي ان المشكلة مش من عندهم ايه الحل؟ شكرا

  35. حضرتك في بعض الاجابات قلت الفيزا اصبحت لاتعمل نهائياً ، وبعدها قلت انها تعمل حتي الان بشكل طبيعي ممكن توضيح هل بتعمل بشكل صحيح ولا لا تعمل ؟ وهل كانت لا تعمل ورجعت تشتغل عادي ؟
    وشكراً جداً لمجهوداتكم

    1. تمام فى وقت التعليق كانت وقف نهائى فعلا واستمر الامر تقريبا 15 يوم وقرر البريد تشغيل الفيزا مجددا ولكن بشروط وهى 1000 دولار فقط فى الشهر الان الفيزا تعمل بشكل جيد

  36. بعد اذنك لو عايز اسدد رسوم بالدولار علي موقع وليكن مثلا 250 دولار اي ما يعادل 4500 ج مصري مرة واحده في اليوم هينفع ولا في حد اقصي للدولار 200$ زي ما سمعت ؟ بالرغم ان الحد الاقصي للايداع اليومي والشراء ب 5000الاف جنيه يعني ما يعادل 275دولار ؟؟ وليس 200دولار

    1. الحد الاقصى للدفع دولار 200 دولار فقط
      تواصل مع الفريق عبر صفحة الفيس بوك يمكن الدفع لك لو 2000 دولار فى المرة الواحده وباقل من سعر البنك
      الخدمة متوفر لدينا على الصفحة الرسمية
      https://www.facebook.com/Wasetna/

  37. الحد الاقصي للتعامل مع المواقع بالدولار مرة واحده في اليوم هل 200دولار
    ام ما يعادل 5000 الاف جنيه وهو الحد الاقصي للتعامل بالجنيه في اليوم ؟
    وشكرا

  38. انا عاوز اشتري حاجه اونلاين عن طريق الباي بال .. الايزي باي المربوطه بيه فيها رصيد بس ظاهر فى الباي بال ان الرصيد صفر
    احول الرصيد ازاي من الايزي باي للباي بال ؟

    1. بتدفع مباشر من الكارت مش من باى بال
      لو محتاج تشترى اى حاجه متوفر الخدمة على صفحة وسيطنا على الفيس بوك

  39. انا حاليا ربطت فيزا ايزي باي بحساب بيبال وخليتها علي السحب الاتوماتيك والحساب فيه حوالي 550 دولا وحاليا انا في اول الشهر ولم يتم تحويل اي شئ علي الفيزا هل ده لان المبلغ اكبر من 500 دولار اللي هي الحد الاقصي خلال ال15 يوم زي ماحضرتك كاتب ولا السحب الالكتروني ليس له حد اقصي ؟؟ وشكرا علي مقالك الرائع

    1. تمام هو ده فعلا اللي حصل انه سحب وفضلت متعلقة وبعد 3 ايام اترفضت ورجعت للحساب تاني ممكن اعرف سبب الرفض لان حضرتك موضحتش هل السبب ان المبلغ اكبر من 500 ولا ايه ؟؟

  40. السلام عليكم ورحمه الله وبركاته
    اخيرا لقيت حل لمشكلة تعاملات الانترنت عن طريق easypay
    وقريت كل سطر بخصوص التفعيل وخلافه ولسة حفعل موضوع الباي بال لانه مهم اوي معايا وفهمت الكلام كله الحمد لله
    لية سؤال واحد …هل ينفع يتحولي فلوس عليه سواء مصري او دولار ولا مينفعش وشكرا مقدما

  41. انا عملت فيزا ايزى باى وحاولت اسحب اكتر من مره وكل مره الفلوس ترد إلى باى بال و كلمت الدعم الفنى تلفونيا 3 مرات و بعت لهم ايميلات كتير و مش لاقى حل . هو فى فيزا تانيه شغاله مع باى بال فى مصر

  42. الفيزا حتي الان تعمل الحمد لله استلمت امس رصيدي من الباي بال بعد ماتم عمليه التحويل التلقائي وتم سحبه امس والمبلغ اقل من 500 دولار لكن رايت اخر تعليق باسم محمد يوضح انه قام بسحب اكتر من مره ولم تصل وترجع للحساب هل توقفت الفيزا ؟

  43. حضرتك قولت أقصي حد السحب على الفيزا 500 دولار كل 15 يوم صح بالتالي 1000 دولار في الشهر طيب حضرتك 3000 دولار وعايز اسحبهم في الشهر اعمل إيه وانت حضرتك قولت أقصي حد السحب هو 1000 في الشهر هل ينفع اسحب مبلغ اعلي من 1000 ولا انا لزم استني الشهر الجاي عشان اسحب الفلوس الباقية

  44. السلام عليكم
    ايه الفروع الموجود فيها الفيزا
    القريبة من حدائق حلوان او المعصرة او حلوان

    1. مكاتب البريد المتوفرة بها الفيزا
      عتبة
      غمرة
      محمد فريد
      الالفي
      الفجالة
      شبرا مصر
      الازهر
      الظاهر
      الزمالك
      الازبكية
      الزاوية الحمراء

  45. سؤال مهم البريد المصري اصدر بطاقة خصم مباشر اسمها فيزا جولد
    بيتم ربطها بالحسابات المحلية ومسموح التعامل الدولي بيها هل عندكم فكرة عن فعالية ربطها بالباي بال وهل في مشاكل للسحب واستقبال الاموال عليها ممكن افادتنا

    وهل هي افضل ام الكلاسيك المسبقة الدفع ؟

    1. الفيزا اللى تم التجربة عليها وشغال كويس هى فيزا ايزى باى البطاقات الجديدة غير معروف عنها اى معلومة حتى الان

  46. هل لديكم فكرة عن بطاقة البريد الكصري الخصم المباشر فيزا جولد ؟؟ نرجو الايضاح بالتفصيل؟

  47. شكراً للموضوع الرائع…
    سؤال يجوز استخراج اكثر من فيزا ايزي باي لشخص واحد؟

  48. احمد اسماعيل

    لو سمحت لو حد عاوز يرسلى مبلغ من الخارج .. هل ينفع على هذه البطاقه وهل بالعمله المحليه ام بالدولار والمصاريف الاداريه ؟؟

      1. عند استلام الاموال استلامها بالدولار ولا بالجنيه المصرى؟؟؟
        وكام بيخصمو عند التحويل

  49. دلوقت انا عملت عمليه سحب بتاريخ 17/10
    والعمليه مكتمله علي بيبال
    ولحد الان الفلوس مانزلتش ف الفيزا
    عندك فكره عن الموضوع دا
    وشكرا مقدما

  50. أنا سحبت مبلغ من الباي بال لهذه البطاقة بالدولار واكتملت عملية السحب كلمت خدمة عملاء البريد قالولي مفيش مبالغ جديدة ظهرت هل ظهور المعاملة على البطاقة بياخد وقت وهل يجب تحويل العملة من الدولار للجنية المصري علي باي بال قبل عملية السحب أم تتغير العملة تلقائيا

  51. من فضلك انا عملت بطاقة ايزي باي وكذلك اكاونت باي بال وربطتة بكارت الفيزا و قام باي بال بسحب اموال من الكارت هل بذلك يكون الكارت جاهز لسحب الرصيد من باي بال او هناك خطوات اخري ؟
    اسال هذا السؤال لانني وجدت شخص عنده مشكله عدم قدرته علي سحب امواله بالايزي باي من الباي بال ان الاسم المسجل بايزي باي غير مطابق للاسم المسجل في باي بال بمعني انه في مرة استخدم اسمه واسم العائله والثانيه استخدم اسمه والاسم الثاني
    فهل فعلا بعد الربط يمكن ان يرفض سحب الرصيد بالفيزا لهذا السبب؟

      1. يعني هل للحل الغاء حساب الباي بال وعمل واحد جديد لربطة بالكارت مثلا ولا دا غير متاح؟

  52. لو سمحتوا بعد تفعيل البايبال بفيزا ايزى باى يعنى بعد ما عملنا كل الخطوات المشروحة و اتفعلت خلاص واتأكد الفيزا
    السؤال ينفع استخدم الدولارات اللى على البايبال وارسلها لبايبال اخر على طول او اشترى من على النت
    وايه كلمة محتجزة اللى مكتوبة جنب الاموال فى الفيديو يعنى محتجزة للاسال للفيزا ولا محتجزة عامة
    ارجو الرد
    وشكرا

    1. بعد اضافة الفيزا تقدرى تسحب الرصيد الموجود على حساب باى بال
      رصيد الحساب للسحب فقط فقط فقط
      مش بتشترى منه ولا ترسل لاى حساب تانى منه يتسحب فقط
      كلمة محتجزة يعنى الفلوس مجمده لمده 30 يوم على الحساب دون اى استخدام بعدها تصبح متاح وتتسحب عادى

  53. هل دة هو التطبيق الرسمي لفيزا ايزي باي

    رابط
    لان ناشر التطبيق ITSC Development ولما بحثت عنه وجدت موقعها واضح انها شركة كبيرة

    رابط
    ومكتوب ان من عملائهم البريد المصري

    رابط
    فهل دة هو التطبيق الحقيقي لانه بيطلب رقم الفيزا ورقم التعريف CVV ورقم البطاقة الشخصية لاستخدمه اول مرة
    فهل هو تطبيق موثوق ؟؟

    1. لا يوجد حتى الان تطبيق رسمى من البريد المصرى كل البرامج المنتشرة للسرقة واخد بيانات الفيزا
      عند اصدار تطبيق رسمى سوف يتم اضافة نسخه منه فى المقالة

  54. paypal لما بفعل الكرت بيكتبلي we can not this right now
    وما بيحصلش التفعيل مع ان الكرت فيه 100ج
    ومكلم خدمة البريد وقلولي تم تفعيله ايه المشكلة برايك

  55. انا عملت فيزا ايزي باي وفعلتها وعملت حساب على باي بال بس لما باجي اربكهم وادخل البيانات بيظهرلي
    (please enter a valid csc ) مع ان الفيزا مفعلة وفيها 100 جنية ليه بيظهرلي كدة؟

  56. انا عملت الفيزا وربطتها بالبايبال واخد اليورو ونص كنت سمعت انهم بيرجعوهم تاني على الفيزا الكلام ده ده صح ولا غلط و بالنسبه للسحب اول الشهر ده بيتسحب لواحده على الفيزا ولا لازم اسحب انا اول الشهر

    1. نعم صحيح
      الفلوس بتتسحب لوحدها اول كل شهر من يوم 1 الى يوم 3 ولكن حاليا الفيزا بها مشاكل كتير جدا
      الناس اللى سحبت اول الشهر الفلوس موصلتش حتى الان لهم

  57. السلام عليكم
    الرجاء توضيح اذ كان يوجد طريقه متابعه للأيزي باي عن طريق النت ( يعني يكون ليا اكونت واتابع عليه الإجراءات السحب والايداع ) ورقم التفعيل

  58. اكتب بالاسم الرسمي ع بي بال اسمي ام الاسم ال ع كارت ايزي باي اصل خدمهةالعملا قالو اكتب الاسم الةعةالكارت انهو صح

  59. موقع جاامد جدا واستفدت منه كنييير .. استمروا .. موقع جامد نق + هي الفيزا شغاله ناو ولا لا ؟ ويعني ايه السحب تلقائي اول الشهر اللي بتقوله عليه ؟

  60. اشكركم علي الموضوع الرائع وعلي سرعة الرد علي تعليقي السابق ..
    وتم اصدار التطبيق الرسمي للفيزا علي جوجل بلاي منذ ايام
    باسم وشعار EasyPay ومن نفس ناشر التطبيق الرسمي للبريد المصري الموجود علي موقع البريد
    لكن لم استطع تشغيلة لانة يطلب التفعيل ..هل يجب تفعيله من مكتب البريد ام الاتصال علي 16789 ؟؟

    1. مرحبا
      لم يعلن البريد رسمى ان لديه تطبيق حتى الان ليس دليل اصدار تطبيق بايميل تابع للبريد انه رسمى

  61. انا متداول فى سوق الفوركس فهل يمكننى التعامل (ايداع وسحب) من خلال هذه الفيزا اما لا ؟
    عندما اسحب اسحب بالدولار فهل تصلح هذه الفيزا للعمل ؟

  62. لو سمحت ارجو الافاده انا علي حسابي في paypal حاليا 82$ واريد سحبهم فما هي الخطوات بعدما اقوم باستخراج كارت easy pay ومتب استطيع السحب

    1. عمل الفيزا من اى مكتب بريد وشحن لافيزا 100ج ثم الربط على باى بال كما فى الفيديو ثم السحب من الحساب على الفيزا مع خصم 5 دولار رسوم السحب

      1. هل السحب من هذا الكارت ما زال ساريا ومتي استطيع السحب هل في اي وقت من الشهر؟

  63. محمود عبد المنعم

    هو لية فى كل كذا تعليق الناس بتسأ على السحب لسة شغال لية هو ممكن يقف نهائى بالنسبة للبيبال لأى سبب كان

  64. السلام عليكم
    بحاول اسحب مبلغ 100 دولار على ايزى باى
    بتجيلى المشكله دى “عذؤا لا يمكننا معالجة طلبك يرجى اعادة المحاولة لاحقاً”
    حد يعرف حل المشكلة دى ؟

  65. نفس المشكلة بتحصل معايا عند السحب من الباي بال على كارت الايزي باي بعد التفعيل.. بيقولي
    Sorry we are unable to process your request. Please try again later

    هو فيه مشكلة في بطاقة easy pay ولا ايه؟

    1. انا برده نفس المشكلة ونفس الرسالة عند السحب بتظهرلى الرسالة
      تواصلت مع دعم الباى بال قالى المشكلة فى الفيزا
      هل المشكلة مازالت مستمرة معاك ؟
      علما بأن المشكلة حديثة لسة الإسبوع ده

  66. شكرا جزيلا لك بجد موقع محترم ومعلومات مفيدة جدا
    ياريت رقم لحضرتك عاوزة اكلمك

  67. هي ايه رسم السحب ال5$ دي ؟ كل ما هسحب مبلغ هيسحب مني 5 $ ولا ايه ؟ ولا ديه مره واحده كل شهر ولا ايه ؟

  68. لو سمحت انا عاوز اسال هل فيزا ابزى باى لها علاقة بدفتر التوفير ..يعنى لو رحت اطلعها بلزم يربطها بالدفتر ..ولا دفتر التوفير بيبقى يعيد عن الفبزا

      1. لو سمحت دلوقتي انا جايلي حواله علي فيزا وزاره الماليه وهي مش متوفره حاليا هلا لو جبت فيزا ايزي بي أنفع اصرف بيها المبلغ مع العلم ان اتحول بالفعل بس مش لاقيه الفيزا بتاع وزاره الماليه ارجو الرد

  69. لسه شغاله باي بال سحب ولا اي عشان فوق شايفك بتقول لناس وقفت نهائي وناس بتقولها شغاله تمام

  70. لو سمحت ، انا كل لما بحاول احسب على الفيزا بيقلي “Sorry, we are not able to process your request. Please try again later.” مع ان الفيزا مفعله وشغاله ، وكلمت البريد قالولي مفيش مشكله فيالفيزا وكلمت بايبال قالولي مفيش مشكله في الحساب ، وكل واحد فيهم يقلي المشكله عند التاني و انا مش عارف اعمل ايه.

  71. لو سمحت هو انا فعلت بيها الاكونت بس لما عمل سحب للفلوس تلقائي عليها أول الشهر ده لقيت الفلوس رجعت تاني امبارح لحساب الباي بال -اتعملها refund- ايه الحل؟

      1. طب معلش هو المفروض لما اتصل بيهم اقلهم ايه او اكلم مين بالظبط ؟ لأني لما كلمتهم اللي ردت عليا لما شرحتلها المشكلة قالت انه مفيش مشكلة في الكارت عندها

  72. اولا شكرا جدا ع المعلومات …ثانيا انا قرأت كل الكومنت اللي فوق عشان ما اسألش لكن دلوقتي بعد ماا عملت كل الخطوات واكتفت الفيزا و ال automatic withdraw اتعمل و بقي رصيدي 0 و مستني تبقي ف الفيزا اتعمل refund للفلوس تاني و رجعت الفلوس لبايبال مع العلم الفلوس مش بتتعدي 15 دولار حتي ..فلو حضرتك ممكن تعرف ليه او ايه السبب او اعرف منين اكون متشكر جدا ..ALI

  73. بقولك يا استاذنا معلش سوال بسيط
    هو انا روحت اعمل ايداع عليها اول مره لسه بعد ما فعلتها
    قالي الرقم السري كام
    ده بيكون موجود فين في الظرف والورق الي خدو
    هل الورقه الي كان ملزوق فيها الفيزا
    مكتوب من فورق رقم الكارت وتحت تاريخ الاصدار وتحت رقم رباعي لوحدو هو ده ؟
    ولا بيكون في الورقه المخططا اسود الي من بره الظرف

  74. لو عايزه اسحب مبلغ اكبر من ال ٤٠٠٠ هل في طريقه تانيه غير ال ATM يعني هل هو زي البنك اروح فرع البريد و اطلب سحب المبلغ ؟

  75. لو سمحت معلش انا عندي كام سؤال
    1- هل الفيزا لسه شغاله على البايبال دلوقتي يعني ينفع أسحب منها الرصيد الموجود على باي بال
    2- ولو ينفع هيخصم كام وانا بسحب من ATM لو أنا معايا في باي بال 100$ مثلا

    1. لسه شغالة نعم
      لو انت سحبت يدوى 5 دولار
      لما الفلوس توصل البريد اخصم 3% +10ج

      لو السحب التلقائى
      اخصم 3% + 10ج فقط

  76. سؤال هل لابد ربط الفيزا بالضرورة بحساب باى بال للعمل على موقع خمسات ام لا
    وهل لابد ان تكون فيزا ايزى باى مشحونة على الاقل بمبلغ 100 ج لربطها وقبولها على حساب باى بال علما باننى بعد تفعيل هذة الفيزا وقمت بربطها بالباى بال ظهرت رسالة بانها غير مقبولة علما باننى ساتلقى لمدفوعات ؟

    1. لازم تكون مشحونه طبعا

      ليس ضرورى باى بال للعمل على خمسات اصلا
      لدى كثير من العملاء لديهم حسابات على خمسات ونسحب لهم ارباحهم

  77. السلام عليكم

    لو سمحت

    1- ايه المقصود بالسحب التلقائي والسحب اليدوي وايه الفرق بينهم

    2- لو البطاقة فيها 5 دولار ينفع يتسحبو ؟ ولو اتسحبو يبقو كام

    3- كام بيخصم على كل عملية سحب

    1. وعليكم السلام
      السحب التلقائى ان باى بال يسحب الفلوس يوم 1 كل شهر بدون رسوم
      السحب اليدوى انك تسحب بنفسك مقابل 5 دولار لكل سحبة
      رسوم السحب 5 دولار + 3% +10 ج دى رسوم السحب من فيزا البريد

    1. الدعم لا هيرد الوقتى ولا بعدين ولا فاضى للناس اصلا هم بعرفوا يخصموا الرسوم بس غير كده مش عارفين

    1. الدعم لا هيرد الوقتى ولا بعدين ولا فاضى للناس اصلا هم بعرفوا يخصموا الرسوم بس غير كده مش عارفين

  78. لو سمحت حضرتك انا لسه مطلع الفيزا من شهرين تقريبا وربطها بالبيبال تمام سحبت 100$ عالفيزا ولسه هروح اسحب من atm لكن قبل اروح اسحب عاوز اعرف ايه هي الرسوم اللي هتطبق عليا مع العلم ان دي اول معامله ليا معاهم يعني مسحبتش قبل كده فعاوز اعرف هيخصموا كم وكمان عاوز اعرف الحد الاقصي للسحب عالفيزا كم بالمصري والسحب من atm

  79. لو سمحت تم تحويل ليا من امريكا ثمن لوحه فنيه وعاوز استلم المبلغ وارسل اللوحه ممكن افاده يتم ازاي وانا مش معايه حساب ولا اي حاجع ارجو الرد

  80. لو سمحت كنت عاوز اعرف انا معايا 19 يورو ع الباي بال وعاوز اسحبهم دلوقتي لو انا سحبتهم بفيزا ايزي باي الرسوم الى هتتسحب مني كام ولو سحبت الفلوس ف يوم 1 ف الشهر هياخدو مني رسوم ولا لا عشان حضرتك كاتب فوق ان باي بال مش بياخد رسوم في الحسب التلقائي ف انا مش فاهم وشكرا

  81. لو سمحت أنا طالب في أولي كلية……و معرفش حاجة خالص عن الكروت الذكية أو انواعها…….لكن بحاول ادور عن طرق دخل اونلاين……..و اغلب المواقع بتدفع عن طريق pay pal…….و من فترة في الكلية استلمنا بطاقة Master card من بنك مصر عشان دفع المصروفات…….فلو عملت أكونت علي PayPal…….و عايز أفعله……هل ممكن استخدم البطاقة ده…..و لو لأ……ايه احسن طريقة اني اقدر افعل الاكونت و استلم الفلوس من عليه……كمان معلش لو السؤال ساذج…….لكن كل التعاملات سواء مصاريف بنكية مطلوبة أو غمولات للمواقع بتتسحب من الرصيد بالجنيه…..و لو في مبلغ معين بالدولار في حساب PayPal…….لو سحبته من atm بيتحول الجنيه المصري برضه ولا ايه ؟ شكرا

  82. لو سمحت انا عملتها و شحنتها بي ٥٠٠ و بتترفض في اي حل؟
    جربت ايزي باي و فيزا البنك الاهلي المدفوعة مقدما فيزا و ماستر اعمل ايه تاني ؟

  83. السلام عليكم
    ممكن أعرف أي فيزا من البنك العربي الأفريقي بتقبل السحب من الباي بال الكريدت كارد ولا 4u وحد السحب اليومي بيكون كام
    وشكراً لحضرتك

  84. مفيش طريقة تانيه افضل من الفيزا بتع البريد علشان بتخصم كتير اوى من الفلوس

  85. فيزا زبالة جدا وبتاخد عمولة كبيرة ان شاء الله هسحب معكم من خلال الصفحة احسن مليون مرة وفلوس توصل على فودافون كاش اسهل

  86. مرحبا
    لو معايا 200 دولار على موقع خمسات ممكن تسبحهم بدل ما اعمل باى بال وفيزا والحاجات الكتير دى

  87. لو سمحت ممكن اعرف المشكلة دى من اية
    عملت عملية سحب بقيمة 90 دولار من بال بال
    على فيزا ايزى باى
    واستنيت 5 ايام وفى الاخر ردو المبلغ تانى
    ممكن اعرف اية السبب

  88. لو سمحت انا عملت البيبال واكدته ب ايزي باي تمام.
    السؤال هنااا بقاا ( لو عاوز ادفع لموقع ٢٠٠$ سعرهم الان 3498 بسعر الدولار
    عاوز بقااا اعرف هيتخصم كام عليهم عمولا من البيبال وازي باي يعني لازم يكون في الكرت كام هيتسحب منه كام ممكن تضربهالي ؟
    شكرا

  89. لو سمحت انا عملت البيبال واكدته ب ايزي باي تمام.
    السؤال هنااا بقاا ( لو عاوز ادفع لموقع ٢٠٠$ سعرهم الان 3498 بسعر الدولار
    عاوز بقااا اعرف هيتخصم كام عليهم عمولا من البيبال وازي باي يعني لازم يكون في الكرت كام هيتسحب منه كام ممكن تضربهالي ؟
    شكرا

    1. سعر الدولار 18.4ج اضرب بقى فى المبلغ اللى عاوزة تدفع 200*18.4
      لو محتاج تدفع بسعر اقل بكتير من دا تواصل مع صفحة وسيطنا يدفعوا لك

  90. لو سمحت حد يرد عليا فى فى المشكلة دى
    انا كنت سحبت 90 دولار من باى بال
    غلى فيزا Eazy pay
    والمبلغ اترد تانى بعد 5 ايام ممكن اعرف حل
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

  91. معلش يا مدير ممكن سوال
    هوا لازم يكون الاسم على باى بال ثلاثى
    ولة اكتب اول اسم واخر اسم من اسمى
    عشان كل لما اعمل عملية سحب على فيزا
    ايزى باى المبلغ بيترد تانى
    فا انا كلمت الدعم بتاعة باى بال
    قالو مشكلة فى الاسم

  92. تمام حضرتك طب انا دلوقتى معى مثلا 500 دولار على حسابى
    وهسحبها هيتخصم منها كام ال5 دولار بتاعت بيبال وال3% بتوع البريد

    يعنى كده ال500 هتصفى على كام بالظبط ؟

  93. من فضلك انا كان عندي مبلغ بالدولار و مبلغ آخر باليورو في حساب باي بال الخاص بي و في اول الشهر الحالي تم التحويل التلقائي لفيزا ايزي باي المبلغ باليورو وصل و كله تمام بس المبلغ اللي بالدولار اتعلق كام يوم و بعدين رجع تاني على حساب الباي بال كاموال مردودة علما بأني بحول من بنك سكريل بالدولار على بطاقة ايزي باي و بتوصل عادي . الصراحة مش عارف المشكلة فين انا حولت رصيدي اللي باليورو للدولار على الباي بال هل ده ممكن يحل المشكلة؟
    و كنت عايز اسأل كمان على احسن وسيلة لتحويل البيتكوين الى دولار او جنيه بدون عمولة كبيرة؟
    شكرا ليكم على المجهود الرائع .

  94. التعامل مع البريد اقذر حاجه شوفتها فى الدنيا
    27 يوم علشان يرد على مشكله واحده
    الواحد اتعامل معاكم واستلم الفلوس فى اقل من 24 ساعه

  95. لو سمحت انا جبت الفيزة وفعلتها وسالت فى البريد انى عايزة افعل التطبيق قالى معرفش ومش هنا اتصلت بخدمة العملاء قالو من اابريد رغم ان ده مكتب كبير مش مجرد بريد صغير دلوقتى افعل ازى رقم التليفون عشان افتح التطبيق

  96. لو سمحت انا جبت الفيزة وكل ما اربطها يقولى هذه البطاقة غير مقبولة يرجى اختيار بطاقة اخرى مش عارفة اعمل ايه لسة جيباها وشحنتها

      1. حصلتلي نفس المشكله ومش عارفه ايه الحل وفيها رصيد 100 جنيه وكلمت دعم البريد قالولي المشكله في موقع باي بال ودي وبعت لموقع بي بال بيقول المشكله ان البنك اللي رفض مش هما ياريت حل سريع

        1. مشاكل فيزا البريد دى بتفكر الواحد بموضوع البيضة الاول ولا الفرخه
          كل طرف هيفضل يقول المشكله من الطرف التانى بس فعليا المشكله بتكون من البريد

  97. لو سمحت انا سألت خدمة عملاء البريد المصري على الحد الاقصى للسحب من كارت ايزي باي في اليوم الواحد فقالوا انه 4000 جنيه من ماكينات ATM و 32000 من مكاتب البريد باستخدام ماكينة ال POS هل الكلام ده صحيح؟؟

  98. ألسلام عليكم ورحمة الله وبركاته دلوقتي سؤال اية الأفضل في البطاقات دي ازي بي والعربي الأفريقي وفيةحاجة تبع كيو ان بي ان هو الافضل.. وهل ممكن اربط حساب باي بال.. وبايونير علي بطاقة واحدة وشكرا

    1. مفيش حاجه اسمها الافضل كل طريقة سحب مناسبة مع واحد حسب شغلك وحجم التعاملات بتقرر ايه الانسب لك

  99. بصراحه وقفت الفيزا من بعد التعامل معكم اسحب عليكم واخد الفلوس فودافون كاش اسهل ليا بدل كل الحوارات دى

  100. شكرا لكل القائمين على الموقع بجد معلومات محترمه اوى وتجديد مستمر ربنا يوفقكم

  101. يوسف خانى احمد

    لو سمحت انا سمعت ان الفيزا بقت بدون حد اقصى للسحب فى الشهر من باى بال ؟ هل دة صحيح ولا لازال فقط 500$ كل 15 يوم ؟ ولو كدة هل لو انا معايا رصيد فى باى بال اكثر من 500$ وجيه اخر الشهر فى السحب التلقائى هيحول 500$ فقط ولا حاليا هيحول كل الفلوس اللى فى الحساب ؟
    ارجو الرد وشكرا مقدما

  102. Excellent pieces. Keep writing such kind of information on your site
    Im really impressed by your site
    Hey there, You have done a fantastic job

  103. رمزي الطالب

    السلام عليكم
    انا مقيم في ليبيا ,, هل ينفع استخرج هذه البطاقه لاغراض التسوق من النت ,, وهل يمكن استلامها بعد ارسال الاثباتات الشخصيه دون السفر الى مصر ؟

  104. حضرتك عندي حساب مصري بايبال بيستقبل لكن لا يرسل ازاي اقدر ابعتلك الفلوس وهوا لا يرسل؟

  105. فيزا وحشه جدا وبتخصم رسوم عالية بصراحه التعامل معاكم افضل ولا وجع دماغ من باى بال ولا طرق السحب وكل الرسوم دى فى الفاضى

    1. الفيزا مش ثابته على حاجه معينه كل شويه فى تغير فعلا بس فى ناس بتحب تسحب هى هنقولهم لا معهم الفيزا ويدفعوا الرسوم

  106. لو سمحت عملت كل الخطوات وشحنت البطاقة وفعلتها وحتى الأبلكيشن اتظبط واتعملله عقد ووقعته وشحنت البطاقة وكله
    لكن لما جيت اربطها بحساب باي بال بيظهرلي العبارة دي “”هذه البطاقة غير مقبولة. يُرجى استخدام بطاقة مختلفة”
    أرجو الاهتمام لأني عانيت على مااخلص كل الخطوات اللي فاتت وفي النهاية اترفضت برده

  107. هي الفيزا شغالة سحب في الوقت الحالي ولا لا عشان انا سحبت يوم 11/4/2019 سحبت 115 دولار وموصلنيش حاجة وكلمت البريد بيقولي مفيش حاجه وصلت ومكتوب في الباي بال عملية مكتملة ممكن حضرتك توضحلي ايه ده واعمل ايه

  108. فيزا زبالة جدا بتسحب سعر الدولار الوقتى 16.61 ج فى حين ان بسحب مع صفحة وسيطنا على 16.75 ج يبقى ارمى الفيزا ولا وجع دماغ بقى

  109. لو سمحت الدفعة اتحولت اتوماتيكى يوم 1 /5 من بايبال الى بطاقة ايزى باى والنهارده بيقولى عملية مكتملة وبعدها لقيت الفلوس رجعت الباى بال تانى لوحدها مش عارف فين المشكلة ممكن تساعدنى

  110. لو سمحت لو انا عاوز اعمل ايداع عالفيزا مثلا ١٠٠ جنيه ما هى رسوم الايداع وأرجو الرد وشكرا

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *

انتقل إلى أعلى